XX. mendeko Euskararen Corpus estatistikoa

Testuingurua

Konigek hau esan zuen berde-malakitaren kolorea ez dela gertatzen koordinatiboki saturatu gabeko karbono atomoaren kausaz, baizik molekulan agertzen diren lotura bikoitz konjugatuen eraginez, talde dimetilamino eta dimetiliminoen artean.

Mesomeria eta kolorea

Loturaren teoria elektronikoak oinharri bat eman zuen kolorearen propietateak ezagutzeko.

Mesomeriaren printzipioak koloreari buruzko teoria aurrerakoienari asko lagundu dio.

Graebe-ren eta Liebermanen teoriak esaten zuen koloredun substantzia organiko guztiak konposatu saturatu gabeak izan behar zutela baina, azken batez, honek zera esan nahi du elektroiek sistema bat ukan behar dutela: honek mesomeria agertarazten du.

Baita ere talde auxokromoek (-E) eragina eta antiauxokromoek (+E) eragina dutela esan genezake.

Polienoek talde kromogeno guztiak bezala jokatzen dute eta mesomeria ttikia dute, baina auxokromo eta antiauxokromoak hauen mesomeria gehitzen dute kolorea biziagotuz.

Adibidez:

Estilbenoak talde kromogeno bat du, C=C eta kolore gabea da, zeren mesomeria (garrantzitsua kolorea ager dadin) nukleo bentzeniko bien lotura bikoitz guztien artean bakarrik ager daiteke eta ioi hibridoaren egiturarekin interaldatuz (II-an bezala).

Hauek energia altua dute.